现年35岁、组合农夫成员C君宣布求婚成功，佢喺IG晒出拖住未婚妻黄天颐只手嘅相，目测钻戒有两卡咁大粒，C君留言：「年纪渐长，很多朋友都有『shesaysyes』的po文，今日，到我了，shesaidyes。谢谢，新年快乐。#共你热恋可抵挡冰天雪地#全世界讲一次恭喜」
而黄天颐就留言：「我们其实相识了很久，同笑的时刻有很多，同哭还好像是头一次，幸好都是快乐窝心的眼泪。一句愿意，以后同哭同笑。」
原来C君今次仲好有诚意，着晒西装，仲呃黄天颐话早起去睇NBA，黄天颐留言话：「虽然我完全听唔到求婚主题曲《无得比》，但睇到你口震震同我讲很久前你已经觉得呢段关系可以圆满，呢个画面先系真正嘅无得比。」
C君接受访问时，佢表示今日求婚系有特别意思：「今日系我哋拍拖周年日子，我哋都拍咗四年拖，其实今次求婚都筹备咗一段日子，我寻晚仲失眠，今朝又好早起身，女友都有啲怀疑，我就不停讲大话，话今朝要睇NBA赛果，最开心系佢十几年朋友都好帮手，个个都匿埋晒，等我成功求婚都出嚟开香槟，好似一个朋友新年聚会咁。」
佢又话今次求婚系佢自己一手包办，包括请女友嘅朋友出席，仲要布置求婚现场，还有鲜花及求婚戒指等。讲到钻戒粒钻石好大粒，佢话：「都成十几万，对我嚟讲系好贵，对其他人嚟讲系碎纸。（再买结婚戒指？）会呀，我都谂点解唔可以一次过呢？（有冇下跪？）梗系有啦，我仲喊先过女友，原来要向人表白，原来唔系咁容易，我喊完佢先再喊。（系咪求婚一次就成功？）今次算系第一次正式求婚。」
问到突然求婚，是否「双喜临门」？佢话：「女友冇BB住，如果有就唔使求婚啦，你问吓陆永有冇同佢老婆求婚。（咁佳期是何时？）今年内，会摆酒，因为想氹老人家开心。」
4年前，C君跟港台DJ黄天颐拍拖。黄天颐现年34岁，毕业于理工大学语文及商业学。她在年参加香港电台「DJ生还者」胜出而入港台第二台任节目主持，因仙气外表被称港台之花。
此外，黄天颐有为viuTV主持节目《本地姜》有指C君对女友十分宠爱，近年农夫收入大增，C君曾说「希望给女友住好一些」，计划购入贝沙湾住宅跟女友居住，虽然目标尚未实现，已见C君对女友十分爱锡。
去年10月，已有媒体发现C君与黄天颐行婚纱展，他亦坦言为婚礼做功课睇资料。
扫一扫下载订阅号助手，用手机发文章赞赏
